Испания терма жамоаси ҳимоячиси Пау Кубарси миллий жамоанинг 2026 йилги футбол бўйича жаҳон чемпионати 1/16 финали доирасида Австрияга қарши бўлиб ўтадиган учрашувга тайёргарлиги ҳақида гапирди.
«Биз ўзимизга ишонамиз. Уругвайга қарши ўйин ҳақиқий жанг бўлди, аммо у бизга кураша олишимизга бўлган ишончни бағишлади. Бизда жанговар руҳ бор, ўйлайманки, бу жаҳон чемпионати учун жуда муҳим. Бор эътиборимизни Австрияга қарши учрашувга қаратганмиз. Бу баҳс ниҳоятда аҳамиятли, чунки якунда кейинги босқичга чиқиш учун унда албатта ғалаба қозонишимиз шарт. Уларнинг қандай ўйнашини кўришимиз, кучли томонларимизни баҳолашимиз ва уларга қаерда зарар етказа олишимизни тушунишимиз керак, энг асосийси эса — ҳимояда ишончли ҳаракат қилишдир», — дея Кубарсининг сўзларини келтиради Marca.
Испания терма жамоаси ЖЧ-2026 плей-офф босқичига H гуруҳидан биринчи ўрин билан йўл олди. Австрияликлар эса J гуруҳида иккинчи ўринни эгаллаб, 1/16 финал йўлланмасини қўлга киритишди. Жамоалар ўртасидаги учрашув 2 июль куни бўлиб ўтади.
