Мюнхеннинг «Бавария» клуби ва Франция терма жамоаси марказий ҳимоячиси Дайо Упамеканога Харри Кейн ва Килиан Мбаппе ўртасида танлов қилиш таклиф этилди. Упамекано Кейн билан Мюнхен клубида бирга тўп суради.
— Харри Кейн ёки Килиан Мбаппе?
— Мен «Бавария»да Харри Кейн билан бирга ўйнаётганимдан жуда хурсандман. Лекин бу ерда, Франция терма жамоаси ҳужум чизиғида ҳам юқори маҳоратли футболчиларимиз жуда кўп ва бу ажойиб, — деди Упамекано Жаҳон чемпионати—2026нинг 1/16 финали доирасидаги Франция ва Швеция (3:0) учрашувидан кейин берган интервьюсида.
Жаҳон чемпионати—2026 АҚШ, Мексика ва Канада майдонларида бўлиб ўтмоқда. Турнир 11 июнда бошланган бўлиб, 19 июлга қадар давом этади. Аргентина терма жамоаси амалдаги жаҳон чемпиони ҳисобланади.
