Конго ДР терма жамоаси бош мураббийи Себастьен Десабр Жаҳон чемпионати–2026 1/16 финалидан кейинги матбуот анжумани вақтида отасининг вафот этгани ҳақидаги қайғули хабарни олди.
Эслатиб ўтамиз, Конго ДР терма жамоаси ушбу босқичда Англияга 1:2 ҳисобида мағлуб бўлиб, мусобақани тарк этган эди.
Маълум қилинишича, қайғули хабарни мураббийга терма жамоа матбуот котиби етказган. Шундан сўнг матбуот анжумани дарҳол якунланган.
Себастьен Десабр бошчилигида Конго ДР терма жамоаси ўз тарихида илк бор Жаҳон чемпионати плей-офф босқичига чиққан эди. Франциялик мутахассис миллий жамоани 2022 йилдан буён бошқариб келмоқда.
