Криштиану Роналдунинг опаси Катя Авейру португалиялик юлдуз ҳужумчи ЖЧ-2026дан сўнг миллий терма жамоадаги фаолиятини якунлашини маълум қилди.

«Менинг билишимча, хайрлашув ҳақида гапириш мумкин. Бугун эмас, лекин фикримча, бу ҳақиқатан ҳам унинг охирги турнири. Мен терма жамоани назарда тутяпман. Ишончли манбадан олинган маълумотларга кўра, ушбу Жаҳон чемпионати унинг “сўнгги рақси” бўлади», — дея Авейрунинг сўзларидан иқтибос келтиради Marca нашри Sport TVга таянган ҳолда.

3 июль куни Португалия терма жамоаси ЖЧ-2026нинг 1/16 финалида Хорватия билан тўқнаш келади. Роналду ушбу учрашувнинг бошланғич таркибидан жой олди.

Португалияликлар «К» гуруҳида Ўзбекистон терма жамоасини мағлуб этиб (5:0), Конго ДР (1:1) ва Колумбия (0:0) билан дуранг ўйнаган ҳолда иккинчи ўринни эгаллашган эди.