Австрия терма жамоаси ҳужумчиси Марко Арнаутович Жаҳон чемпионати — 2026нинг 1/16 финалида Испания миллий жамоасидан учралган мағлубият ҳақида ўз фикрларини билдирди. Австрияликлар 0:3 ҳисобида имкониятни бой бериб, турнирни тарк этишди.
«Агар рақиб кучлироқ бўлса ва ишончли ғалабага эришса, буни тан олиш керак. Менимча, агар биринчи голни биз урганимизда, ҳаммаси бошқача тус олган бўларди. Испанияни ҳурмат қиламан, бу — ажойиб жамоа ва шубҳасиз, ушбу Жаҳон чемпионатининг фаворити. Аммо менинг фикримча, йигитлар бундан хафа бўлишлари керак эмас. Бошингизни баланд кўтаринг — биз яна бир бор тарих ярата олдик», — дея Арнаутовичнинг сўзларидан иқтибос келтиради ФИФА расмий сайти.
