Бразилия терма жамоаси қанот ҳужумчиси Рафинья жароҳати сабаб 2026 йилги жаҳон чемпионати 1/8 финалида Норвегияга қарши баҳсда иштирок эта олмайди. Бу ҳақда Globo хабар берди.
Манба маълумотига кўра, футболчи Гаитига қарши учрашувда олган мушак жароҳатидан ҳали тўлиқ тикланмаган. Рафинья ҳозиргача терма жамоанинг умумий машғулотларига қайтмаган. Тиббий штаб футболчининг соғлиғини хавф остига қўйишни истамаяпти ва шу боис уни майдонга туширишга шошилмасликка қарор қилган.
Эслатиб ўтамиз, Бразилия терма жамоаси ЖЧ-2026 1/16 финалида Японияни 2:1 ҳисобида мағлуб этиб, 1/8 финалга йўл олган. Энди «селесао» чорак финал йўлланмаси учун Норвегия терма жамоасига қарши майдонга тушади.
