АҚШ футбол федерацияси миллий жамоа бош мураббийи Маурисио Почеттинога янги шартнома таклиф қилишни режалаштирмоқда. Бу ҳақда инсайдер Николо Скира X ижтимоий тармоғида хабар берди.
Манба маълумотига кўра, томонлар ўртасида имзоланиши кутилаётган янги меҳнат шартномаси 2030 йил ёзигача амал қилади. Айни пайтда аргентиналик мутахассиснинг амалдаги битими 2026 йил 31 июлгача мўлжалланган. Почеттино АҚШ терма жамоасини 2024 йил сентябридан буён бошқариб келмоқда.
АҚШ терма жамоаси 2026 йилги жаҳон чемпионатида 1/8 финалга чиқди. Улар ушбу босқичда Бельгияга қарши майдонга тушади.













