Колумбия терма жамоаси Гана миллий терма жамоасини минимал ҳисобда мағлуб этди ва ЖЧ-2026 нинг 1/8 финалига йўл олди (1:0). Эътиборли жиҳати шундаки, лотин америкаликлар терма жамоаси етакчиси Хамес Родригес учрашувнинг иккинчи бўлимида бир дақиқа ҳам майдонда ҳаракат қилмади.
Колумбияликлар бош мураббийи Нестор Лоренсо Родригеснинг соғлиғи жойида эканлигини маълум қилиб, мухлисларни тинчлантирди.
«Хамес Родригес билан ҳаммаси жойида. Уни алмаштирганимиз жароҳат билан боғлиқ эмас», — дея мутахассиснинг сўзларини келтиради Straits Times.
Жаҳон чемпионати плей-офф босқичининг навбатдаги раундида Колумбия Швейцария билан куч синашади. Учрашув 7 июлга белгиланган. Старт ҳуштак Тошкент вақти билан 8 июлга ўтар кечаси соат 01:00 да чалинади.
