«Челси» ярим ҳимоячиси Коул Палмер 2026 йилги жаҳон чемпионати учун Англия терма жамоаси қайдномасига киритилмагани ҳақида гапирди.
«Ҳар бир футболчи жаҳон чемпионатига боришни хоҳлайди, лекин мен мураббийнинг қарорини ўзгартира олмайман. Бу мен учун оғир бўлди. Жамоага унда етишмаётган янги ниманидир таклиф қила олишимни билардим. Лекин, айтганимдек, қарорни ўзгартириш менинг қўлимда эмас. Шу боис шунчаки барчага омад тилайман», — дея Палмернинг сўзларини келтиради Times Sport.
Бундан олдин Англия терма жамоаси ЖЧ-2026 нинг 1/16 финалида ДР Конгога қарши қийин кечган баҳсда 2:1 ҳисобида ғалаба қозонган эди.
Навбатдаги босқичда Томас Тухель шогирдлари мундиалнинг учта мезбон давлатидан бири бўлган Мексика миллий терма жамоаси билан майдонда куч синашади.
