Англия терма жамоаси ҳужумчиси Маркус Рэшфорд ЖЧ-2026 доирасида Мексикага қарши ўйинда жамоа дуч келадиган юқори альтитуда (денгиз сатҳидан баландлик) қийинчиликлари ҳақида фикр билдирди.
«Сизлар [матбуот] ҳар қандай нарсадан ҳаддан ташқари шов-шув кўтариб юборасизлар», — дея Маркус Рэшфорднинг сўзларидан иқтибос келтиради BBC Sport.
Эслатиб ўтамиз, аввалроқ Англия терма жамоаси 2026 йилги Жаҳон чемпионатининг 1/8 финалига йўл олган бўлиб, у ерда душанба, 6 июль куни Тошкент вақти билан соат 05:00 да «Ацтека» стадионида Мексика билан тўқнаш келади. Ушбу босқичга қадар инглизлар Хорватия терма жамоасини мағлуб этишди (4:2), Гана билан дуранг ўйнашди (0:0), Панамани таслим этишди (2:0) ва 1/16 финалда ДР Конгодан 2:1 ҳисобида устун келишди.
