Бразилия терма жамоаси ҳимоячиси Маркиньос Жаҳон чемпионати–2026 1/8 финал учрашувида Норвегиядан қабул қилиб олинган мағлубиятни (1:2) шарҳлади.

«Биз яратган вазиятларимиздан ҳақиқатан ҳам унумли фойдалана олмадик. Бизда пенальти ва бошқа имкониятлар бўлган эди, аммо жаҳон чемпионати мана шуниси билан фарқ қилади. Камроқ хатога йўл қўйганлар кейинги раундга чиқишади ва ғалабага эришишади», — дея 32 ёшли футболчининг сўзларини келтиради АP ахборот агентлиги.

Бразилия 1/16 финалда Японияни мағлуб этган (2:1), гуруҳ босқичида эса Марокаш билан дуранг ўйнаб (1:1), Гаити (3:0) ҳамда Шотландия (3:0) терма жамоалари устидан ишончли ғалабага эришган эди.