Мексика Президенти Клаудия Шейнбаум ЖЧ-2026 нинг 1/8 финалида миллий терма жамоанинг Англиядан учралган мағлубиятидан (2:3) сўнг ўз фикрларини билдирди.
Мексикаликлар турнирдаги иштирокини якунлаган иккинчи мезбон давлатга айланишди. Бундан олдин Канада терма жамоаси ҳам жаҳон чемпионатини тарк этган эди. Мусобақада мезбонлардан фақат АҚШ терма жамоаси курашни давом эттирмоқда.
«Тушкунликка тушманг! Баъзан ғалаба қозонасан, баъзан эса ўрганасан. Олдинга интилиш ва Мексикани шараф билан танитишда давом этиш муҳим.
Миллий терма жамоамизнинг ёш футболчилари эришган ютуқлар барча мексикаликларнинг қалбида абадий қолади.
Биз бутун дунёга Мексика меҳмонларни кутиб олиш борасида дунёдаги энг яхши давлат эканини, халқимиз эса қувноқ ва аҳил эканини кўрсатиб қўйдик. Олға, Мексика!» — деб ёзди Клаудия Шейнбаум.
