Англия терма жамоаси собиқ ҳимоячиси Гари Невилл ЖЧ-2026 нинг 1/8 финалида Бразилиянинг Норвегиядан учраган мағлубияти ҳақида фикр билдирди.
«Менга шундай туюлдики, ҳар бир алмаштиришдан кейин Бразилия фақат кучсизланиб борди. Умуман олганда, бутун турнир давомида жамоа анча заиф кўринди. Бугун эса уларга қарши ҳақиқатан ҳам кучли терма жамоа ўйнади», — деди Невилл.
Эслатиб ўтамиз, учрашув норвегияликларнинг 2:1 ҳисобидаги ғалабаси билан якунланди. Шу тариқа, Норвегия жаҳон чемпионатининг чорак финал йўлланмасини расмийлаштирди ва у ерда Англия билан тўқнаш келади.
Норвегия терма жамоаси таркибида ҳужумчи Эрлинг Холанд дубль қайд этди. Ҳужумчи 7 та гол билан ЖЧ-2026 нинг энг яхши тўпурарлари қаторида бормоқда.
