Бразилия терма жамоаси Жаҳон чемпионатининг 1/8 финал босқичидаёқ турнирни тарк этиб, муваффақиятсизликка учради. Жамоа Норвегияга 1:2 ҳисобида имкониятни бой берди. Ўйиндан сўнг «селесао» бош мураббийи Карло Анчелотти ушбу натижадан кейин истеъфога чиқмаслигини маълум қилди.

Матбуот анжумани давомида Анчелотти журналистларга Бразилия терма жамоаси рулида ишлашда давом этишини айтди.

«Биз ишлашда, ўзимизни ривожлантиришда ва янги ғоялар излашда давом этишимиз керак. Бу мағлубият — якун эмас, балки янги давр (цикл) бошланишидир», — дея Анчелоттининг сўзларини келтиради The Touchline нашри.

Эслатиб ўтамиз, Карло Анчелотти яқиндагина шартномасини узайтирган эди — унга кўра, битим кейинги Жаҳон чемпионати якунига қадар мўлжалланган.