Англия терма жамоаси аъзолари Харри Кейн ва Жуд Беллингем Жаҳон чемпионатида самарали ҳаракатлари сонини ошириб олишди.

Инглизлар ЖЧ-2026нинг 1/8 финалида Мексика терма жамоасини 3:2 ҳисобида мағлубиятга учратди. Ушбу учрашувда Беллингем ўйиндан иккита гол уриб, дубль қайд этган бўлса, Кейн пенальтини аниқ амалга оширди.

Ҳозирги вақтга келиб Кейннинг ҳисобида турнирда урилган 6 та гол ва 1 та голли узатма мавжуд. Ҳужумчи «гол+пас» тизимида 3-ўринда бормоқда. Ярим ҳимоячи Беллингем эса 4 та гол ва 1 та самарали узатмани ўз ҳисобига ёздириб қўйган.

Тўпланган очколар бўйича «Реал Мадрид» футболчисини (Беллингемни), хусусан, франциялик Усмон Дембеле (6 очко) ортда қолдирмоқда. Кейн сингари 7 очкодан жамғарганлар қаторида Эрлинг Холанд (Норвегия) ва Лионель Месси (Аргентина) ҳам бор.

Ушбу кўрсаткич бўйича мусобақада 9 балл тўплашга улгурган Килиан Мбаппе (Франция) якка пешқадамлик қилмоқда.