Angliya terma jamoasi a’zolari Xarri Keyn va Jud Bellingem Jahon chempionatida samarali harakatlari sonini oshirib olishdi.

Inglizlar JCH-2026ning 1/8 finalida Meksika terma jamoasini 3:2 hisobida mag‘lubiyatga uchratdi. Ushbu uchrashuvda Bellingem o‘yindan ikkita gol urib, dubl qayd etgan bo‘lsa, Keyn penaltini aniq amalga oshirdi.

Hozirgi vaqtga kelib Keynning hisobida turnirda urilgan 6 ta gol va 1 ta golli uzatma mavjud. Hujumchi «gol+pas» tizimida 3-o‘rinda bormoqda. Yarim himoyachi Bellingem esa 4 ta gol va 1 ta samarali uzatmani o‘z hisobiga yozdirib qo‘ygan.

To‘plangan ochkolar bo‘yicha «Real Madrid» futbolchisini (Bellingemni), xususan, fransiyalik Usmon Dembele (6 ochko) ortda qoldirmoqda. Keyn singari 7 ochkodan jamg‘arganlar qatorida Erling Xoland (Norvegiya) va Lionel Messi (Argentina) ham bor.

Ushbu ko‘rsatkich bo‘yicha musobaqada 9 ball to‘plashga ulgurgan Kilian Mbappe (Fransiya) yakka peshqadamlik qilmoqda.