Испания терма жамоаси ярим ҳимоячиси Микель Мерино Португалия терма жамоаси ҳужумчиси Криштиану Роналдуга қарши бўлажак ўйин ҳақида ўз фикрларини билдирди.

Эслатиб ўтамиз, испаниялик лочинлар бугун ЖЧ-2026нинг 1/8 финали доирасида португалияликларга қарши майдонга тушишади. Учрашув Тошкент вақти билан соат 00:00 да старт олади.

«Менинг фикримча, унда ҳамма нарса жойида ва у жуда яхши ҳолатда. Тўғрисини айтсам, у элит даражадаги футболчи, тарихдаги энг яхшилардан бири. У турнирни жуда яхши ўтказяпти ва табиийки, биз унга қарши жуда эҳтиёткор бўламиз. У ҳам жарима майдончаси ичида, ҳам унинг ташқарисида ўзига хос хавфли хусусиятларга эга.

У бутун бир даврни белгилаб берган ва футбол тарихидаги энг буюк ўйинчилардан бири ҳисобланади, бу эса тасодиф эмас. Бундай юқори маҳорат бир кечада йўқолиб қолмайди. У ҳамон энг юқори даражада ўйнашда давом этмоқда ва Унаи [Симон] айтганидек, биз уни иложи борича яхшироқ назорат қилишга ҳаракат қиламиз», — деди Мерино.