Ispaniya terma jamoasi yarim himoyachisi Mikel Merino Portugaliya terma jamoasi hujumchisi Krishtianu Ronalduga qarshi bo‘lajak o‘yin haqida o‘z fikrlarini bildirdi.

Eslatib o‘tamiz, ispaniyalik lochinlar bugun JCH-2026ning 1/8 finali doirasida portugaliyaliklarga qarshi maydonga tushishadi. Uchrashuv Toshkent vaqti bilan soat 00:00 da start oladi.

«Mening fikrimcha, unda hamma narsa joyida va u juda yaxshi holatda. To‘g‘risini aytsam, u elit darajadagi futbolchi, tarixdagi eng yaxshilardan biri. U turnirni juda yaxshi o‘tkazyapti va tabiiyki, biz unga qarshi juda ehtiyotkor bo‘lamiz. U ham jarima maydonchasi ichida, ham uning tashqarisida o‘ziga xos xavfli xususiyatlarga ega.

U butun bir davrni belgilab bergan va futbol tarixidagi eng buyuk o‘yinchilardan biri hisoblanadi, bu esa tasodif emas. Bunday yuqori mahorat bir kechada yo‘qolib qolmaydi. U hamon eng yuqori darajada o‘ynashda davom etmoqda va Unai [Simon] aytganidek, biz uni iloji boricha yaxshiroq nazorat qilishga harakat qilamiz», — dedi Merino.