Бразилия терма жамоаси таркибида жаҳон чемпиони бўлган Роналдо, матбуотда унинг номидан Жаҳон чемпионатидан чиқиб кетган миллий жамоа футболчилари ва бош мураббий Карло Анчелоттини танқид қилган интервью эълон қилинганидан сўнг баёнот берди.
Собиқ ҳужумчи ЖЧ 1/8 финали доирасидаги Бразилия — Норвегия учрашувидан кейин ҳеч қандай интервью бермаганини алоҳида таъкидлади.
«Шуни аниқлаштириб ўтмоқчиманки, Бразилия иштирокидаги ўйиндан сўнг мен ҳеч қандай интервью бермадим ва бирорта ҳам ОАВ билан мулоқот қилмадим. Матбуотда тарқатилаётган барча баёнотлар — ёлғон (фейк) хабарлардир», — деб ёзди Роналдо Х ижтимоий тармоғида.
Эслатиб ўтамиз, бразилияликлар норвегияликларга 1:2 ҳисобида имкониятни бой бериб, турнирни тарк этишди. Неймар эса «пентакампеонлар» сафидаги фаолиятини якунлаганини эълон қилди.
