Бразилия терма жамоаси собиқ ҳужумчиси Ромарио ЖЧ-2026 дан чиқиб кетганидан сўнг, италиялик мутахассис Карло Анчелоттини «селесао» бош мураббийлигидан бўшатиш тарафдори эканини билдирди.
«Мен Анчелотти билан шартномани бекор қилган бўлардим. Бундай натижадан кейин у жамоада қолмаслиги керак. Бу Бразилия терма жамоаси учун ҳақиқий шармандалик. Бизга ўзгаришлар керак», — дея баёнот берди афсонавий ҳужумчи ўзининг Romario TV каналида.
Эслатиб ўтамиз, Бразилия терма жамоаси Норвегиядан мағлубиятга учраб (1:2), жаҳон чемпионатини 1/8 финал босқичида тарк этган эди. Эътиборли жиҳати шундаки, «селесао» 1990 йилдан бери илк бор мундиалнинг чорак финалига чиқа олмади.
