Жаҳон чемпионати — 2026 дан чиқиб кетганидан сўнг, 34 ёшли Неймар Бразилия терма жамоасидаги фаолиятини якунлаганини эълон қилди. Юлдузли ҳужумчининг ушбу қарорига ўтмишнинг машҳур футболчиси Кафу муносабат билдирди.

«Спортда ва ҳаётда муваффақиятга эришган инсонлар кун келиб фаолиятини якунлайди. Неймар футболда ўзидан кейин ажойиб мерос қолдирмоқда. У терма жамоадаги фаолиятини буюк футболчи сифатида якунлаяпти. Биз уни соғиниб қоламиз», — Кафунинг сўзларини келтиради Daily Mail.

Миллий терма жамоа либосида Неймар 130 та ўйин ўтказиб, уларда 80 та гол урди ва 59 та голли узатмани амалга оширди. Клуб даражасида эса ҳужумчи «Сантос» шарафини ҳимоя қилмоқда, унинг клуб билан шартномаси шу йилнинг декабрь ойида якунига етади.