Jahon chempionati — 2026 dan chiqib ketganidan so‘ng, 34 yoshli Neymar Braziliya terma jamoasidagi faoliyatini yakunlaganini e’lon qildi. Yulduzli hujumchining ushbu qaroriga o‘tmishning mashhur futbolchisi Kafu munosabat bildirdi.

«Sportda va hayotda muvaffaqiyatga erishgan insonlar kun kelib faoliyatini yakunlaydi. Neymar futbolda o‘zidan keyin ajoyib meros qoldirmoqda. U terma jamoadagi faoliyatini buyuk futbolchi sifatida yakunlayapti. Biz uni sog‘inib qolamiz», — Kafuning so‘zlarini keltiradi Daily Mail.

Milliy terma jamoa libosida Neymar 130 ta o‘yin o‘tkazib, ularda 80 ta gol urdi va 59 ta golli uzatmani amalga oshirdi. Klub darajasida esa hujumchi «Santos» sharafini himoya qilmoqda, uning klub bilan shartnomasi shu yilning dekabr oyida yakuniga yetadi.