"Manchester Siti" futbol klubi o‘zining rasmiy saytida so‘nggi xabarlar munosabati bilan ochiq bayonot e’lon qildi. Unda klub rahbariyati muxlislarni o‘z pozisiyasining haqligiga ishontirar ekan, xotirjam bo‘lishga chaqirdi.
"Klubning aybsizligini isbotlashga bo‘lgan ishonchimiz va qat’iyatimiz xuddi boshidagidek kuchli. Nega o‘z pozisiyamizning haqligiga bunchalik ishonayotganimizni tushunishingiz uchun siz bilan ko‘plab ma’lumotlarni bo‘lishishni istardim. Ammo sud jarayonining qat’iy maxfiyligi va biz uni saqlashga intilayotganimiz hozircha bunga imkon bermaydi. Hatto ushbu maktub ham barcha talablarga mos ekaniga ishonch hosil qilish uchun bir necha bor huquqiy tekshiruvdan o‘tkazildi", — dedi "Manchester Siti" klubi raisi Xaldun al-Muborak.
Eslatib o‘tamiz, o‘tgan juma kuni klub moliyaviy qoidalarni buzish bo‘yicha 115 ta holatdan 114 tasida aybdor deb topilgani haqida xabar tarqalgan edi.
"Manchester Siti" rahbariyati ushbu qaror ustidan apellyasiya berishni rejalashtirmoqda. Ayni paytda klubga nisbatan qanday jazo qo‘llanishi ham hali aniqlanmagan.
