Италия футбол федерацияси президенти Жованни Малаго «Милан»нинг собиқ ҳимоячиси Паоло Мальдини Италия терма жамоасининг техник директори этиб тайинланганини эълон қилди.
Мальдинидан ташқари, терма жамоа раҳбариятига Бразилия терма жамоаси ва «Милан»нинг собиқ ярим ҳимоячиси, «ПСЖ»нинг собиқ спорт директори Леонардо ҳам киритилди, у маслаҳатчи лавозимини эгаллайди.
Мальдини ва Леонардо «Милан»да аввал ҳам бирга ишлаган — улар 2018 йилдан 2019 йилгача клуб раҳбарияти таркибида бўлишган, шундан сўнг бразилиялик мутахассис клубни тарк этган эди.
2026 йил март ойи охирида Италия ЖЧ-2026 финал босқичига чиқиш учун ўтказилган Европа саралаш турнири финалида Босния ва Герцеговина терма жамоасига имкониятни бой берди (1:1, пенальтилар серияси — 1:4). Шу сабабли италияликлар кетма-кет учинчи марта Жаҳон чемпионатига чиқа олмади. 2025 йил июнидан буён жамоани бошқариб келган Женнаро Гаттузо истеъфога чиқарилган эди.
Ҳозирги вақтда Италия терма жамоасининг бош мураббийи йўқ, сўнгги ўртоқлик ўйинларида жамоани Сильвио Бальдини вақтинчалик бош мураббий сифатида бошқариб турди.
