Italiya futbol federasiyasi prezidenti Jovanni Malago «Milan»ning sobiq himoyachisi Paolo Maldini Italiya terma jamoasining texnik direktori etib tayinlanganini e’lon qildi.
Maldinidan tashqari, terma jamoa rahbariyatiga Braziliya terma jamoasi va «Milan»ning sobiq yarim himoyachisi, «PSJ»ning sobiq sport direktori Leonardo ham kiritildi, u maslahatchi lavozimini egallaydi.
Maldini va Leonardo «Milan»da avval ham birga ishlagan — ular 2018 yildan 2019 yilgacha klub rahbariyati tarkibida bo‘lishgan, shundan so‘ng braziliyalik mutaxassis klubni tark etgan edi.
2026 yil mart oyi oxirida Italiya JCH-2026 final bosqichiga chiqish uchun o‘tkazilgan Yevropa saralash turniri finalida Bosniya va Gersegovina terma jamoasiga imkoniyatni boy berdi (1:1, penaltilar seriyasi — 1:4). Shu sababli italiyaliklar ketma-ket uchinchi marta Jahon chempionatiga chiqa olmadi. 2025 yil iyunidan buyon jamoani boshqarib kelgan Jennaro Gattuzo iste’foga chiqarilgan edi.
Hozirgi vaqtda Italiya terma jamoasining bosh murabbiyi yo‘q, so‘nggi o‘rtoqlik o‘yinlarida jamoani Silvio Baldini vaqtinchalik bosh murabbiy sifatida boshqarib turdi.
