«Барселона» ярим ҳимоячиси Френки де Йонг жароҳати сабабли бир неча ой майдонга туша олмаслиги мумкин.

Каталония клубининг жаҳон чемпионатида иштирок этган футболчилари дам олиш учун қўшимча вақт олишган бўлса-да, Рональд Араухо ва де Йонг аллақачон жамоа ихтиёрига қайтиб, тиббий кўрикдан ўтишди.

Marca нашри хабарига кўра, нидерландиялик футболчида тизза жароҳати аниқланган.

Ҳозирча якуний ташхис қўйилгани йўқ. Яқин кунларда ярим ҳимоячи қўшимча текширувлардан ўтиши керак.

Бироқ клубдагилар вазиятдан хавотирда ва энг ёмон сценарийни кутишмоқда. Футболчи бир неча ойни ўтказиб юбориши, хусусан, тикланиш жараёни тўрт ойгача давом этиши истисно қилинмаяпти.

Эслатиб ўтамиз, де Йонг жаҳон чемпионатида Нидерландия терма жамоаси сафида тўртта ўйин ўтказган эди.