Лионель Месси гол урмаган бўлса-да, ЖЧ-2026 ярим финалида Англия терма жамоасига қарши баҳсни ёрқин ўтказди.

39 ёшли футболчи иккита голли узатмани амалга ошириб, Аргентинага ўйин сўнгида иродали ғалабани тортиб олишга ёрдам берди — 2:1. Шунингдек, «альбиселесте» сардори муваффақиятли алдамчи ҳаракатлар (дриблинг) бўйича ҳам ажойиб кўрсаткични қайд этди — у рақибларини тўққиз марта доғда қолдирди. The Touchline нашрининг Sofascore маълумотларига таяниб хабар беришича, Месси ушбу ўйинда унинг азалий «рақиби» Криштиану Роналдунинг сўнгги тўртта Жаҳон чемпионатида жами амалга оширган алдамчи ҳаракатларидан (саккизта) кўпроғини битта ўйиннинг ўзида бажарган.

Эслатиб ўтамиз, 41 ёшли Роналду Португалия терма жамоаси сафида жорий мундиалнинг 1/8 финалигача етиб борган ва у ерда Испания тўсиғидан ўта олмаган (0:1). Аргентина эса финалда айнан ўша испанияликлар билан куч синашади.