Лондоннинг «Челси» клуби собиқ футболчиси Жо Коул немис мутахассиси Томас Тухельнинг Англия миллий терма жамоасидаги фаолияти ҳақида ўз фикрларини билдирди.
«Менга «Челси»ни бошқарган даврида Тухель ёқарди, аммо ҳозир у бизнинг терма жамоамизда ишламоқда... Биз ахир Англиямиз, тўғрими? Менимча, жамоага маҳаллий мураббий керак. Биз шунга интилишимиз керак. Чет эллик мураббий ривожланишга интилаётган кичик жамоалар учун мос келади», — дея собиқ футболчининг сўзларини келтиради The Rest is Football.
Англия терма жамоаси 2026 йилги Жаҳон чемпионатида ярим финалгача етиб борди ва у ерда Аргентинага 1:2 ҳисобида имкониятни бой берди. Инглизлар учинчи ўрин учун баҳсда Францияга қарши майдонга тушади.
