Испания терма жамоаси бош мураббийи Луис де ла Фуэнте жаҳон чемпионати финалидан кейин ўз фикрларини билдирди. «Қизил фурия» Аргентинани 1:0 ҳисобида мағлуб этди.

«Мен бу футболчилар авлодидан фахрланаман. Улар шу ғоя билан улғайишди, уни янада яхшилашди ва жамоа, оила қандай бўлиши кераклиги бўйича намуна кўрсатишди. Бу ўйинчилар ноёб истеъдодга эга. Мен учун уларга бу йўлда ҳамроҳ бўлиш шараф эди.

Ортга назар ташлаб, жуда ҳайратдаман. Биз ўйинчилар билан кўп гаплашдик: биз ҳамма нарсани ютдик ва бу жуда ажойиб. Испания бу авлод футболчилари билан фахрланиши мумкин.

Ўйлайманки, финал тақдири эртароқ ҳал бўлиши керак эди. Эмилиано Мартинес ажойиб сейвлари билан бизга эртароқ ғалаба қозонишга халақит берди, лекин бу финал — ҳатто кўпчилик бўлиб ҳаракат қилганимизда ҳам охирида сабр қилишимизга тўғри келди», - деди де ла Фуэнте ФИФА сайтига таяниб.