Нуфузли «Олтин тўп» мукофотининг расмий сайтида бир мақола эълон қилинди. Унда муаллифлар бу йил «Олтин тўп»ни Жаҳон чемпионатида ғолиб чиққан футболчи олиши шартми ёки йўқми, деган саволга жавоб беришган. Эслатиб ўтамиз, куни кеча мундиалда Испания терма жамоаси зафар кучган эди.

Мақолада мундиаллардаги муваффақиятдан сўнг футболчилар «Олтин тўп»ни қўлга киритган ҳолатлар мисол қилиб келтирилган. Шунингдек, бошқа мисоллар, хусусан, Лионель Месси (2010) ва Лука Модрич (2018) мисоллари ҳам келтирилган.

1995 йилдан бери, яъни «Олтин тўп» Европа чегараларидан чиқиб бутун дунёга тарқалганидан буён, Жаҳон чемпионатларидан сўнг мукофотни етти мартадан тўрттасида мундиал ғолиби бўлган жамоа вакили қўлга киритган.

«Ҳа, Жаҳон чемпионатидаги ғалаба ёрдам беради, лекин «Олтин тўп»ни кафолатламайди. Уни қўлга киритиш учун нафақат Жаҳон чемпионатининг, балки бутун мавсумнинг энг яхши ўйинчиси бўлиш керак», — дейилади материалда.

Ўтган йили «Олтин тўп»ни Усман Дембеле қўлга киритган эди.