ФИФА президенти Жанни Инфантино 2026-йилги Жаҳон чемпионатидан кейин Аргентина терма жамоасига мурожаат қилди.

“Аргентина терма жамоаси Жаҳон чемпионатида қандай ажойиб турнир ўтказди! Миллионлаб одамларни илҳомлантирган иродали ўйинлар ва жанговар руҳ бутун дунё бўйлаб футбол мухлисларига унутилмас онларни тақдим этди.

2022-йилги турнирда чемпионликни қўлга киритгандан сўнг яна бир бор Жаҳон чемпионати финалига чиқиш Аргентина футболининг мукаммаллиги ва доимий юқори даражасининг энг яхши исботидир. Ушбу турнирни шу қадар ўзгача қилишга қўшган ҳиссангиз ва сўнгги дақиқагача ажойиб фидойилигингиз учун ташаккур”, деб ёзди Инфантино ўзининг ижтимоий тармоқдаги саҳифасида.

Испания терма жамоаси ўз тарихида иккинчи марта жаҳон чемпиони бўлди. Жанубий Америка терма жамоаси уч карра Жаҳон чемпиони бўлган ва сўнгги тўртта мусобақада уч марта финалга чиққан.