Шотландиянинг «Селтик» ва Италиянинг «Милан» клублари ўртасидаги ўртоқлик учрашуви якунланди. Глазгодаги «Селтик Парк» стадионида бўлиб ўтган баҳс 2:2 ҳисобидаги дуранг билан тугади.

Ҳисобни 11-дақиқада «Селтик» ҳужумчиси Камило Дуран очди. Орадан 16 дақиқа ўтиб, ярим ҳимоячи Жеймс Форрест шотландияликларнинг устунлигини икки тўпга етказди.

Иккинчи бўлим бошида «Милан» ҳисобни қисқартиришга муваффақ бўлди. 47-дақиқада Франческо Камарда пенальтини аниқ амалга оширди. Олти дақиқадан кейин эса у дубль қайд этиб, ўйинга тенгликни олиб келди — 2:2.

Эслатиб ўтамиз, «Селтик» 2025/2026 йилги Шотландия Премьер-лигаси мавсумини учинчи ўринда якунлаган бўлса, «Милан» Италия А сериясида 38 та учрашувда 70 очко жамғариб, бешинчи поғонадан жой олган.

Ўртоқлик учрашуви
25 июль 2026 йил
«Селтик» (Шотландия) — «Милан» (Италия) — 2:2
Голлар: 1:0 — Камило Дуран, 11-дақиқа; 2:0 — Жеймс Форрест, 27; 2:1 — Франческо Камарда (пенальти), 47; 2:2 — Франческо Камарда, 53.