«Челси» ва Португалия терма жамоаси ҳужумчиси Педру Нету фаолиятини Саудия Арабистонида давом эттириши мумкин. Журналист Жанлуиджи Лонгарининг X ижтимоий тармоғида хабар беришича, футболчининг манфаатларини ҳимоя қилувчи агент Жорже Мендеш ўз мижозини «Ал-Ҳилол» клубига таклиф қилган.
Олдинроқ «Ал-Ҳилол» ҳужумчилар қидирувида бозорни ўрганишда давом этаётгани ва «Бавария» вингери Луис Диас билан музокаралар олиб бораётгани ҳақида хабар берилган эди. ОАВ маълумотларига кўра, Саудия клубининг ёзги умумий трансфер бюджети 350 миллион евродан ошади, колумбиялик футболчи учун эса 105 миллиондан 132 миллион еврогача ажратишга тайёр.
«Ал-Ҳилол» жорий трансфер ойнасида ҳужум чизиғи учун аллақачон битта легионерни харид қилиб бўлди. Жамоага Нидерландия терма жамоасининг 24 ёшли вингери Крисенсио Саммервилл келиб қўшилди. Трансфер суммаси 55+10 миллион еврони ташкил этгани хабар қилинган эди.
