«Осер» бош мураббийи Уилл Стилл тезкор муваффақият ортидан қувишдан кўра, узоқ муддатли лойиҳа барпо этишни истагани учун Лига 1 клубини танлаганини айтди.

L'Equipe нашрига берган интервьюсида 33 ёшли мутахассис ушбу тайинлов унинг фаолиятидаги қарор қабул қилиш ёндашуви ўзгарганини англатишини таъкидлади.

«Менга эртагаёқ Еврокубокларда ўйнаш ёки чемпион бўлиш шарт эмас», — деди Стилл. У шунингдек, аввалроқ «Сандерленд», «Ланс» ва «Саутгемптон»даги имкониятлар шошма-шошарлик ортидан юзага келганини айтиб, шундай қўшимча қилди: «Биринчи марта ўзингга ҳамма нарсани яхшилаб ўйлаб кўришинг кераклигини айтасан. Мен бирор мустаҳкам нарса қурмоқчи эдим».

Ўтган мавсумда «Осер» Лига 1 да 15-ўринни эгаллаганидан сўнг, Стилл июнь ойида клуб билан яна бир йилга узайтириш имконияти билан икки йиллик шартнома имзолади. Ҳозирда у Бургундия жамоасини 2026/2027 йилги мавсумга тайёрламоқда.