«ПСЖ» дарвозабон Зион Судзуки билан алоқа ўрнатди.

Аввалроқ парижликлар «Ювентус» ҳам даъвогарлик қилаётган «Парма» посбонини ўз сафига қўшиб олиш вариантларини кўриб чиқаётгани маълум бўлган эди. La Gazzetta dello Sport нашрининг ёзишича, Франция клуби Япония терма жамоаси голкипери учун жой бошатиш мақсадида Люка Шевалье билан хайрлашиши мумкин.

Sky Sport маълумотларига кўра, Париж жамоаси сўнгги бир неча соат ичида япониялик футболчи билан боғланган. У амалдаги дарвозабонлардан бири жамоани тўлиқ тарк этса ёки ижарага бериб юборилса, Франция клубига кўчиб ўтиши мумкин.

Sky Sport манбаси ҳам жамоадан кетишга асосий номзод сифатида ушбу трансфер ойнасида клубни тарк этиши мумкин бўлган Люка Шевальени кўрсатмоқда.