«Шахтёр» бош мураббийи Арда Туран жамоанинг Чемпионлар лигасидаги уй ўйинлари катта эҳтимол билан Лондонда бўлиб ўтишини маълум қилди.
«Менимча, ўйинларимизни Лондонда ўтказамиз. Тўғриси, Туркияда ўйнашни жуда хоҳлаган эдик, аммо УЕФА талаблари туфайли муаммолар юзага келди. Агар бу чекловлар бўлмаганида, туркиялик ишқибозлар қаршисида — Гёзтепе, Бурса ёки Эскишеҳирда тўп суриш ажойиб бўларди. Начора, илож қанча. Энди барча мухлисларимизни — украиналикларни ҳам, туркларни ҳам Лондонда кутиб қоламиз», — деди Туран Fanatik нашрига берган интервьюсида.
Украина чемпиони сифатида «Шахтёр» еврокубоклардаги иштирокини тўғридан-тўғри Чемпионлар лигасининг умумий босқичидан бошлайди.
