«Барселона»нинг собиқ аъзоси, хорватиялик Ален Халилович клубларни алмаштиришда давом этмоқда. Унинг навбатдаги саргузашти ўзига аллақачон таниш бўлган Италия чемпионатида кечиши мумкин — илгари Ален «Милан» либосини ҳам кийишга улгурган эди.

Аммо бу сафар гап мамлакатнинг иккинчи дивизиони — Б Серия ҳақида бормоқда. Футболчига «Милан»нинг яна бир собиқ аъзоси Алессандро Неста мураббийлик қилаётган «Авеллино» клуби қизиқиш билдирди. У аллақачон «Наполи»нинг собиқ футболчиси Адам Унасни ўз сафига қўшиб олган эди, энди эса эътиборини Халиловичга қаратди, деб хабар бермоқда pianetamilan.it.

Охирги вақтларда Халилович Нидерландия чемпионатида Ситтарднинг «Фортуна» клуби шарафини ҳимоя қилаётган эди, аммо у ердан ҳам унга «хушмуомалалик билан жавоб бериб юборишди».