The Guardian газетасининг хабар беришича, ФИФА Кенгаши аъзолари Жанни Инфантинога нисбатан норозилик кучайиб бораётган бир пайтда фавқулодда йиғилиш ўтказишга ҳаракат қилмоқдалар.

Йиғилишни чақириш учун 37 Кенгаш аъзосидан 19 нафарининг қўллаб-қувватлаши керак. Газетанинг хабар беришича, Инфантинодан норози бўлганлар сони Жаҳон чемпионати тижорат ҳуқуқларидаги улушни сотиш билан боғлиқ жанжалдан олдин ҳам анча кўп эди.

Дастлаб, Кенгаш аъзолари Фоларин Балогуннинг қизил карточкасини бекор қилиш тўғрисидаги қарор бўйича мустақил текширув ўтказишни талаб қилишди.

Инфантино Жаҳон чемпионати тижорат ҳуқуқларини ташқи инвесторларга сотишни яширинча таклиф қилганидан кейин норозилик кучайди. Кейинчалик танқидлардан сўнг Инфантино бу лойиҳадан воз кечди.

Агар Инфантино мустақил текширув ўтказишга рухсат беришдан бош тортса, баъзи Кенгаш аъзолари унинг истеъфосини талаб қилишлари мумкин. ФИФА президентлигига потенциал муқобил номзодлар ҳам аллақачон муҳокама қилинмоқда.

ФИФА президентилиги учун сайловда иштирок этишни истаганлар 18-ноябргача ўз номзодларини илгари суришлари мумкин.