The Guardian gazetasining xabar berishicha, FIFA Kengashi a’zolari Janni Infantinoga nisbatan norozilik kuchayib borayotgan bir paytda favqulodda yig‘ilish o‘tkazishga harakat qilmoqdalar.

Yig‘ilishni chaqirish uchun 37 Kengash a’zosidan 19 nafarining qo‘llab-quvvatlashi kerak. Gazetaning xabar berishicha, Infantinodan norozi bo‘lganlar soni Jahon chempionati tijorat huquqlaridagi ulushni sotish bilan bog‘liq janjaldan oldin ham ancha ko‘p edi.

Dastlab, Kengash a’zolari Folarin Balogunning qizil kartochkasini bekor qilish to‘g‘risidagi qaror bo‘yicha mustaqil tekshiruv o‘tkazishni talab qilishdi.

Infantino Jahon chempionati tijorat huquqlarini tashqi investorlarga sotishni yashirincha taklif qilganidan keyin norozilik kuchaydi. Keyinchalik tanqidlardan so‘ng Infantino bu loyihadan voz kechdi.

Agar Infantino mustaqil tekshiruv o‘tkazishga ruxsat berishdan bosh tortsa, ba’zi Kengash a’zolari uning iste’fosini talab qilishlari mumkin. FIFA prezidentligiga potensial muqobil nomzodlar ham allaqachon muhokama qilinmoqda.

FIFA prezidentiligi uchun saylovda ishtirok etishni istaganlar 18-noyabrgacha o‘z nomzodlarini ilgari surishlari mumkin.