Йозуа Киммих Германия терма жамоасида ўйнашни давом эттириш истагини яна бир бор тасдиқлади ва янги бош мураббий Юрген Клопп билан ҳали музокара ўтказмаганига қарамай, у билан бирга ишлашга тайёрлигини маълум қилди.

Германия терма жамоаси ЖЧ-2026 нинг 1/8 финалида мусобақани тарк этганидан сўнг, Германия футбол иттифоқи (DFB) Клопп қўл остида янги даврга тайёргарлик кўраётган бир пайтда, Киммих каби бир қатор тажрибали футболчиларнинг келажаги сўроқ остида қолган эди.

Бироқ «Бавария» ярим ҳимоячиси терма жамоа билан ҳамон катта мақсадлари борлигини аниқ қилиб кўрсатди.

«Мен Клопп билан ҳали гаплашмадим», — деди Киммих FourFourTwo нашрининг Жанубий Кореядаги бўлимига берган интервьюсида.

31 ёшли футболчи, шунингдек, «Ливерпуль» ва Дортмунднинг «Боруссия» клуби собиқ мураббийи қўл остида майдонга тушиш имкониятидан ҳаяжонда эканини билдирди.

«Агар у билан ишлаш имкониятига эга бўлсам, германиялик футбол мухлислари фахрлана оладиган натижаларга эришмоқчиман», — деб қўшимча қилди Киммих.