Yozua Kimmix Germaniya terma jamoasida o‘ynashni davom ettirish istagini yana bir bor tasdiqladi va yangi bosh murabbiy Yurgen Klopp bilan hali muzokara o‘tkazmaganiga qaramay, u bilan birga ishlashga tayyorligini ma’lum qildi.
Germaniya terma jamoasi JCH-2026 ning 1/8 finalida musobaqani tark etganidan so‘ng, Germaniya futbol ittifoqi (DFB) Klopp qo‘l ostida yangi davrga tayyorgarlik ko‘rayotgan bir paytda, Kimmix kabi bir qator tajribali futbolchilarning kelajagi so‘roq ostida qolgan edi.
Biroq «Bavariya» yarim himoyachisi terma jamoa bilan hamon katta maqsadlari borligini aniq qilib ko‘rsatdi.
«Men Klopp bilan hali gaplashmadim», — dedi Kimmix FourFourTwo nashrining Janubiy Koreyadagi bo‘limiga bergan intervyusida.
31 yoshli futbolchi, shuningdek, «Liverpul» va Dortmundning «Borussiya» klubi sobiq murabbiyi qo‘l ostida maydonga tushish imkoniyatidan hayajonda ekanini bildirdi.
«Agar u bilan ishlash imkoniyatiga ega bo‘lsam, germaniyalik futbol muxlislari faxrlana oladigan natijalarga erishmoqchiman», — deb qo‘shimcha qildi Kimmix.
