Нидерландия Қироллик футбол уюшмаси (KNVB) раҳбарияти мамлакат ёшлар терма жамоаси бош мураббийи Михаэль Рейзигер билан узоқ давом этган учрашув ўтказди. У миллий жамоанинг янги бош мураббийи лавозимига асосий номзодлардан бири бўлиб қолмоқда.
Voetbal International хабарига кўра, музокаралар Нидерландия Суперкубоги учун ўйиндан олдин бўлиб ўтган. Уларда KNVB вакиллари Найджел де Йонг ва Кларенс Зеедорф ҳам иштирок этишган. Учрашув давомида мураббий миллий жамоа билан ишлаш бўйича ўз режаларини батафсил тақдим этган.
Арне Слот ушбу ишдан воз кечгач, Рейзигер устувор вариант сифатида қаралмоқда. Шу билан бирга, KNVB бошқа вариантларни ҳам кўриб чиқмоқда. Номзодлар орасида Луи ван Гал, шунингдек, Рууд ван Нистелрой ҳам бор.
