Niderlandiya Qirollik futbol uyushmasi (KNVB) rahbariyati mamlakat yoshlar terma jamoasi bosh murabbiyi Mixael Reyziger bilan uzoq davom etgan uchrashuv o‘tkazdi. U milliy jamoaning yangi bosh murabbiyi lavozimiga asosiy nomzodlardan biri bo‘lib qolmoqda.
Voetbal International xabariga ko‘ra, muzokaralar Niderlandiya Superkubogi uchun o‘yindan oldin bo‘lib o‘tgan. Ularda KNVB vakillari Naydjel de Yong va Klarens Zeedorf ham ishtirok etishgan. Uchrashuv davomida murabbiy milliy jamoa bilan ishlash bo‘yicha o‘z rejalarini batafsil taqdim etgan.
Arne Slot ushbu ishdan voz kechgach, Reyziger ustuvor variant sifatida qaralmoqda. Shu bilan birga, KNVB boshqa variantlarni ham ko‘rib chiqmoqda. Nomzodlar orasida Lui van Gal, shuningdek, Ruud van Nistelroy ham bor.
