«Интер Майами» ҳужумчиси Лионель Месси Лигалар кубоги доирасидаги «Атлетико Сан-Луис»га қарши ўйиннинг биринчи бўлимида дубль муаллифига айланди.

39 ёшли аргентиналик учун ушбу голлар профессионал фаолиятидаги 920- ва 921-гол бўлди: клуб миқёсида 794 та ва терма жамоа сафида 125 та гол. Бу натижага эришиш учун унга 1188 та ўйин керак бўлди.

Америка клуби таркибида у 106 та ўйинда 90 та гол урган бўлса, «ПСЖ»да 75 та ўйинда 32 та ва «Барселона»да 778 та ўйинда 672 та гол муаллифига айланган. Аргентина терма жамоаси сафида эса у 207 та ўйин ўтказган.

Месси 2023 йилнинг ёзида МЛС клубига келиб қўшилган эди. Октябрь ойида у «Интер Майами» билан шартномасини 2028 йилгача узайтирди.