Foot Mercato хабарига кўра, Франциянинг «Марсель» клуби Испаниянинг «Реал Сосьедад» жамоасидан ҳимоячи Найеф Агерд бўйича тушган дастлабки трансфер таклифини қабул қилмади.
Испания клуби марокашлик ҳимоячини 2,5 миллион еврога ижарага олиб, мавсум якунида уни 10 миллион еврога мажбурий сотиб олиш шартини таклиф қилган эди.
«Марсель» раҳбарияти умумий қиймати 12,5 миллион евро бўлган ушбу таклифни етарли эмас деб ҳисоблади ва таклифни дарҳол рад этди.
Рад жавобига қарамай, Агэрднинг ўзи «Реал Сосьедад» билан 5 йиллик шартнома шартлари бўйича принципиал келишувга эришиб бўлган.
Ҳозирда икки клуб ўртасида молиявий келишувга эришиш бўйича музокаралар давом этмоқда.
