Foot Mercato xabariga ko‘ra, Fransiyaning «Marsel» klubi Ispaniyaning «Real Sosyedad» jamoasidan himoyachi Nayef Agerd bo‘yicha tushgan dastlabki transfer taklifini qabul qilmadi.

Ispaniya klubi marokashlik himoyachini 2,5 million yevroga ijaraga olib, mavsum yakunida uni 10 million yevroga majburiy sotib olish shartini taklif qilgan edi.

«Marsel» rahbariyati umumiy qiymati 12,5 million yevro bo‘lgan ushbu taklifni yetarli emas deb hisobladi va taklifni darhol rad etdi.

Rad javobiga qaramay, Agerdning o‘zi «Real Sosyedad» bilan 5 yillik shartnoma shartlari bo‘yicha prinsipial kelishuvga erishib bo‘lgan.

Hozirda ikki klub o‘rtasida moliyaviy kelishuvga erishish bo‘yicha muzokaralar davom etmoqda.