Аргентина футбол ассоциацияси (АФА) президенти Клаудио Тапиа ЖЧ-2026 вақтида терма жамоага қарши мақсадли кампания олиб борилганини маълум қилди.
Аргентина турнирда финалда Испанияга 0:1 ҳисобида имкониятни бой бериб, иккинчи ўринни эгаллади.
«Терма жамоада ҳаммаси яхши бўлишини хоҳламайдиган одамлар бордек туюлиши асабимга тегмоқда. Одамлар кўчаларга чиқиб нишонлаши кимнингдир ғашини келтираётгандек гўё. Улар терма жамоага қарши тил бириктиришди. Ҳар бир ўйин олдидан қандайдир операция ўтказиларди.
Ушбу ўйин (Англияга қарши ярим финал (2:1) ҳақида гап бормоқда) олдидан ўзгача муҳит ҳукм сураётганди. Рульи менга ғалаба қозонишимизни айтди. Ўйинчилар одамларнинг ишончини оқламасликни хоҳлашмади. Бу биз ютишимиз шарт бўлган ўйин эди.
Англия устидан қозонилган ғалаба Қатардаги жаҳон чемпионати финали билан бир қаторда туради. Илгари ҳеч қачон халқ ушбу терма жамоа туфайли бунчалик кўп қувонч ҳис қилмаган. Етти йил ичида одамлар бу жамоага чин дилдан меҳр қўйишди», — деди Тапиа.
