Бугун, 19 август куни, УЕФА Чемпионлар лигасининг 2026/27 йилги мавсуми саралаш плей-офф босқичи доирасида бир қатор дастлабки учрашувлар бўлиб ўтади.

Чемпионлар лигаси, плей-офф босқичи, 19 август:

• «НЕК Неймеген» (Нидерландия) — «Будё-Глимт» (Норвегия);
• «Селтик» (Шотландия) — ЛАСК (Австрия);
• «Хапоэль Беэр-Шева» (Исроил) — «Сабаҳ» (Озарбайжон);
• «Слован» (Словакия) — «Целе» (Словения).

Эслатиб ўтамиз, Чемпионлар лигасининг амалдаги ғолиби Франциянинг «Пари Сен-Жермен» клуби ҳисобланади. Парижликлар 2025/26 йилги мавсум финалида Лондоннинг «Арсенал» жамоасини асосий ва қўшимча вақтдаги 1:1 ҳисобидан сўнг пенальтилар сериясида 4:3 ҳисобида мағлуб этган.

2026/27 йилги Чемпионлар лигаси финали 2027 йил 5 июнь куни Мадриддаги «Метрополитано» стадионида бўлиб ўтади.