Мюнхеннинг «Бавария» клуби спорт директори Макс Эберль Дортмунднинг «Боруссия» жамоасига қарши кечадиган Германия Суперкубоги учрашуви олдидан ўз фикрларини билдириб ўтди.
«Энди ҳаммаси нолдан бошланади. Эртага бизни «Боруссия»га қарши мавсумдаги илк финал кутиб турибди. Дортмундликлар Суперкубокни ютиб олмаслигимиз учун бор кучларини сарфлашади, аммо биз ҳам бу совринни қўлга киритиш учун ҳамма нарсага тайёрмиз. «Боруссия»га қарши ўйин биз учун ҳақиқий синов бўлади», — дейди Эберль клуб матбуот хизматига.
Германия Суперкубоги доирасидаги «Боруссия» Д ва «Бавария» ўртасидаги принципиал тўқнашув 22 август, шанба куни Тошкент вақти билан соат 23:30 да старт олади.
