Эфиопия 2028 йилги Африка кубогига мезбонлик қилиш учун ўз номзодини илгари сурди. Ушбу мусобақа жуфт йилда ўтказиладиган илк Африка кубоги бўлиши кутилмоқда.
Бунга қадар Африка кубоги тоқ йилларда ташкил этиб келинган. Навбатдаги мусобақа 2027 йилда бирданига уч мамлакат — Кения, Танзания ва Угандада бўлиб ўтади.
Режага кўра, шундан кейин турнир форматида жиддий ўзгариш амалга оширилиб, Африка кубоги ҳар тўрт йилда бир марта ўтказилади.
derbyderbyderby.it маълумотига кўра, янги тизимдаги илк мусобақани 2028 йилда қабул қилиш учун Эфиопия даъвогарлик қилмоқда.
Агар Эфиопия мезбонлик ҳуқуқини қўлга киритса, бу мамлакат тарихида Африка кубогини иккинчи марта қабул қилиши бўлади. Эфиопия илк бор ушбу мусобақага 1976 йилда мезбонлик қилган.
